Усы жылдың 15-17-апрель күнлери Ташкент қаласында спорттың көркем гимнастика түри бойынша жәҳән кубогы жарыслары болып өтти.
Қарақалпақстан Республикасы Жоқарғы Кеңеси мәлимлеме хызметиниң хабар бериўинше, онда қарақалпақстанлы спортшылар Наргиза Джуманиязова ҳәм Шаҳзада Ибрагимова гимнастикашы қызлар сайланды командасы қурамында қатнасты.
Қуўанышлысы, жәҳән кубогы жарысларында жерлеслеримиздиң ҳәр бири алтын ҳәм гүмис медальларды жеңип алды.
Мағлыўмат орнында атап өтиў керек, Ташкентте өткен жәҳән кубогы жарысларында Өзбекстан сайланды командасы ағзалары жәми 7 медаль – 4 алтын, 2 гүмис ҳәм 1 бронза медалын қолға киргизди.
Сайтымыздың телеграмдағы каналына ағза болың: https://t.me/karinformuz
