Усы жылдың 7-май сәнесинде Тахтакөпир районындағы «Ағытай Адилов» аўыл пуқаралар жыйыны аймағында қаҳарманның атындағы музей, оның бюсти ҳәм китапхананың ашылыўы болып өтти, деп хабар берди тележурналист Ләззет Есемуратова.
Ашылыў салтанатына Тахтакөпир районы ҳәм Жиззақ ўәлаяты Зарбдор районы ҳәкимлери қатнасты.
Тахтакөпир районындағы басламалар Өзбекстан Республикасы Президенти тапсырмасының орынланыўын тәмийнлеў мақсетинде районға бекитилген Жиззақ ўәлаятының Зарбдор районы ҳәкимлиги тәрепинен әмелге асырылып, музейди шөлкемлестириў ушын 120 миллион сум, халықтың жасаў шараятын жақсылаў ушын 35,0 миллион сум, район турғынлары ушын дем алыў орайларына жолламаларға 112,5 миллион сум, буннан тысқары, райондағы мектепке керекли буйымлар алып берилип, көшелердиң абаданластырылыўы ушын жәми 815 миллион сум қаржы ажыратылған.
Cондай-ақ, аймақ жасларының ўақтын мазмунлы өткериў мақсетинде 100 миллион сумлық қаржы есабынан китапхана шөлкемлестирилип, оған 40,0 сумлық 750 дана илимий ҳәм әдебий китаплар алып берилди.
Сахибжамал Есемуратова,
Karinform.uz
