Транспорт қуралын басқарыў ҳуқуқына ийе болыў ушын үйрениўши оқыў мүддети жуўмағына шекем:
«А» топары ушын – 16 жасқа;
«В» ҳәм «С» топары ушын – 18 жасқа;
«ВЕ» ҳәм «СЕ» топары ушын – 19 жасқа;
«D» ҳәм «DЕ» топары сондай-ақ, трамвай ҳәм троллейбуслар ушын 21 жасқа толған болыўы керек.
Бул ҳаққында Министрлер Кабинетиниң 2022-жыл 12-апрельдеги қарарының «Транспорт қуралларын басқарыўды үйретиў» деп аталған 25-бабында келтирип өтилген.
Сондай-ақ, транспорт қуралларын басқарыўды дәслепки үйретиў жабық майданлар ямаса автодромларда өткерилиўи тийис. Жолларда транспорт қуралларын басқарыўды үйретиў тек әмелий басқарыўды үйретиўшиниң қатнасында дәслепки басқарыў көнликпелерине ийе болған үйрениўшиге руқсат етиледи. Үйрениўши қағыйдаларды билиўи ҳәм оларға әмел етиўи шәрт екенлиги де қарарда келтирип өтилген.
