«Евровидение-2022» 66-қосықлар таңлаўы Италияның Турин қаласында болып өтти. Таңлаўдың биринши ҳәм екинши ярым финалы 10 ҳәм 12-май күнлери ал, финал басқышы 14-май күни өткерилди. Онда 40 мәмлекеттен қатнасыўшылар өзлериниң қосықларын атқарып шықты. Армения бир жыллық, Черногория еки жыллық үзилистен соң және таңлаўда қатнасқан болса, Россия Федерациясы Украина менен мүнәсибетлеринен соң таңлаўдан шетлетилген.
Таңлаўда Kalush Orchestra топарының «Stefania» қосығы менен Украина жеңимпаз деп табылды. Бул Украинаның таңлаўдағы 2004 ҳәм 2016-жыллардан соңғы үшинши жеңиси есапланады.
Таңлаўда украин тилинде атқарылған қосыққа телетамашагөйлердиң 439 баллық даўысы таңлаў тарийхындағы рекорд дәреже есапланады. Таңлаўда Уллы Британия екинши ҳәм Испания үшинши орынларды ийеледи.
