Telegram karinform

Жәмийет

  • 13.06.2022 19:00
  • 449

Нөкис районында қәйината келини ҳәм оның анасының өлимине себепши болды

 

Усы жылдың 10-июнь күни Нөкис районында жасайтуғын С.К. (ҳаял) қәйинатасы Е.С. менен өз ара жәнжеллесип қалып, анасы Ш.К.ның үйине өкпелеп кетип қалған.

 

Қарақалпақстан Республикасы прокуратурасының мәлим етиўинше, 11-июнь күни саат 14:00 лерде С.К. анасы Ш.К. ҳәм жеңгеси Ж.А. менен бирге қәйинатасы Е.С. менен қалған, 2020-жылы туўылған, ержетпеген перзентин алып кетиў ушын барған ўақытта ортада келип шыққан жәнжел себепли қәйинатасы Е.С. қолындағы темир буйым менен С.К. ҳәм оның анасы Ш.К.ларды урып, қастан өлтирген. Соң олар менен бирге келген пуқара Ж.А.ның басы ҳәм жүзине, сондай-ақ, денесиниң басқа жерлерине бирнеше мәрте урып, өлтирмекши болған ўақытта Ж.А. ўақыя орнынан қашып жасырынып, аўыр дене жарақатлары менен Нөкис районлық медициналық бирлеспесине жатқарылған.

 

Хабарда жазылыўынша, жағдай бойынша Нөкис районлық прокуратурасы тәрепинен Жынаят кодексиниң 97-статьясы 2-бөлими «а» бәнти менен жынаят иси ашылып, пуқара Е.С. Жынаят-процессуал кодексиниң 221-статьясы тәртибинде усланған.

 

Ҳәзирги ўақытта жынаят иси бойынша Қарақалпақстан Республикасы прокуратурасы тәрепинен дәслепки тергеў ҳәрекетлери алып барылмақта.

 

Karinform.uz.

Social

Усыныс етемиз

Президент «тонировка» мәселесине тоқталды

Президент «тонировка» мәселесине тоқталды

Уқсас жаңалықлар

Студентлердиң оқыўын көшириў бойынша жаңа тәртип енгизилди

Студентлердиң оқыўын көшириў бойынша жаңа тәртип енгизилди

    Өзбекстан Республикасы Президентиниң «Мәмлекетлик жоқары билимлендириў мәкемелерине оқыўға қабыллаў процесслерин шөлкемлестириў ҳаққында»ғы қарарына муўапық студентлердиң

Абитуриентлер дыққатына! Шет тилинен кәсиплик (дөретиўшилик) имтихан форматы ҳәм тест үлгилери жәрияланды

Абитуриентлер дыққатына! Шет тилинен кәсиплик (дөретиўшилик) имтихан форматы ҳәм тест үлгилери жәрияланды

    Хабарыңыз бар, Өзбекстан Республикасы Министрлер Кабинетиниң 2022-жыл 19-январьдағы «Шет тиллерин үйрениўди жетилистириў бойынша қосымша илажлар

Ташкенттен Нөкиске ҳәрекетленип киятырған жолаўшы автобусы өртенип кетти

Ташкенттен Нөкиске ҳәрекетленип киятырған жолаўшы автобусы өртенип кетти

    Бүгин, 8-июнь күни саат 03:14 те Төрткүл районы «Ақ қамыс» аўыл пуқаралар жыйыны аймағынан өткен