Өзбекстан Республикасы Министрлер Кабинетиниң «Қарақалпақстан Республикасы ҳәм Хорезм ўәлаятында жайласқан улыўма орта билим бериў мәкемелеринде саламат аўқатландырыў системасын буннан былай да жетилистириў илажлары ҳаққында»ғы қарары қабыл етилди.
Қарарға муўапық, атап өтилген аймақлардағы мектеплерде саламат аўқатландырыў системасын кейтеринг усылында шөлкемлестириўге байланыслы реже тастыйықланды.
Режеде кейтинг усылында хызмет көрсететуғын шөлкемлер таңлаўын өткериў, есаплаўларды өткериў, тағамлар бойынша қадағалаў орнатыў тәртиби белгиленди.
Атап айтқанда, оқыўшылар мектепте бир күнде бир мезгил аўқатландырылады.
Аўқатларды қадағалаў ушын мектеплерде 5 адамлық (директор, мийирбийке ҳәм ата-аналар ўәкиллери) арнаўлы комиссия дүзиледи.
Күнделик тағамнаманың дизими «Kundalik.com» платформасы арқалы жүргизиледи.
Еслетип өтемиз, усы жылдың апрель айынан баслап Қарақалақстан Республикасы ҳәм Хорезм ўәлаятында тәжирийбе сыпатында баслаўыш класс оқыўшыларына бюджет есабынан бийпул аўқат пенен тәмийинлеў системасы енгизилген еди.
