Telegram karinform

Сиясат

  • 21.09.2022 16:00
  • 109

Жоқарғы Кеңес Баслығы Аманбай Орынбаев Израиль делегациясын қабыллады

 

Бүгин, 21-сентябрь күни Израиль мәмлекетиниң Өзбекстан Республикасындағы елшиси Зеавит Бен Хилель, Израиль Сыртқы ислер Министрлиги жанындағы халықаралық бирге ислесиўди раўажландырыў агентлиги (MASHAV) баслығы Эйнат Шлейн Қарақалпақстан Республикасы Жоқарғы Кеңесиниң Баслығы Аманбай Орынбаевтың қабыллаўында болды. Бул ҳаққында Жоқарғы Кеңес мәлимлеме хызмети хабар берди.

 

Қабыллаўда Израиль мәмлекети ҳәм Қарақалпақстан Республикасы ортасында халықаралық бирге ислесиўди жолға қойыў мәселелери қарап шығылып, онда Израиль мәмлекетиниң алдынғы тәжирийбелери тийкарында жергиликли жаслар ҳәм қәнигелердиң билимин арттырыў, бирге ислесиў мақсетинде жаңа жойбарлар үстинде ислеў, сондай-ақ, жоқары оқыў орынлары студентлериниң билимин жетилистириў бағдарында семинар-тренинглер шөлкемлестириў мәселелери додаланды.

 

Соның менен бирге, аймақтағы суў тамтарыслығы жағдайында суўды үнемлеўши технологияларды буннан былай да ен жайдырыў, коллектор ҳәм ақаба суўларын қайта ислеў арқалы аўыл хожалығы егислик майданларында пайдаланыў, бул бағдарда Израиль тәжирийбелери тийкарында қәнигелердиң билим ҳәм көнликпелерин арттырыў бойынша пикир-усыныслар билдирилди.

 

Ушырасыўда Қарақалпақстан Республикасының туристлик потенциалынан кеңирек пайдаланыў, бул бағдарда сафари тур ҳәм экотуризмди ен жайдырыў, сондай-ақ, аймақтағы қорықханалар, экзотикалық қумлы далаңлықлардың өзине тән тәбияты сыяқлы аймақ өзгешеликлерин көрсетиўди кеңнен жолға қойыў кереклиги айрықша атап өтилип, мийманлар бул бағдарда бирге ислесиўден мәпдар екенлигин билдирди.

 

Өз нәўбетинде, Қарақалпақстан Республикасы Жоқарғы Кеңесиниң Баслығы Аманбай Орынбаев мийманлардың келиўинен миннетдар екенлигин билдирип, бирге ислесиўди жолға қойыўда жаңа басламаларды қоллап-қуўатлайтуғынлығын айтып өтти.

 

Social

Усыныс етемиз

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Уқсас жаңалықлар

Қарақалпақстандағы халықтың жас категориялары бойынша статистикалық мағлыўмат (+инфографика)

Қарақалпақстандағы халықтың жас категориялары бойынша статистикалық мағлыўмат (+инфографика)

      Өзбекстан Республикасы статистика комитети Өзбекстан пуқараларының санын жас категориялары бойынша бөлип үйренген. Бул статистикалық мағлыўматларды

Халықтың мүрәжатлары итибарда: Пуқаралар Жоқарғы Кеңес Баслығына тиккелей мүрәжат ете алыў имканиятына ийе болды

Халықтың мүрәжатлары итибарда: Пуқаралар Жоқарғы Кеңес Баслығына тиккелей мүрәжат ете алыў имканиятына ийе болды

    Усы жылдың 24-сентябрь күни Қарақалпақстан Республикасы Жоқарғы Кеңесиниң Баслығы Аманбай Орынбаев басшылығында мәмлекетлик уйымлар ҳәм

Қарақалпақстан Республикасы Жоқарғы Кеңесиниң Баслығы Аманбай Тлеубаевич Орынбаев

Қарақалпақстан Республикасы Жоқарғы Кеңесиниң Баслығы Аманбай Тлеубаевич Орынбаев

    Аманбай Тлеубаевич Орынбаев 1979-жылы Кегейли районында туўылған. Миллети қарақалпақ. Мағлыўматы жоқары. 2002-жылы Өзбекстан Республикасы Ишки