«Тафаккур синовлари» таңлаўының Қарақалпақстан Республикасы басқышы жуўмақланды

Алдын хабарлағанымыздай, «Тафаккур синовлари» таңлаўының Қарақалпақстан Республикасы басқышы Бердақ атындағы Қарақалпақ мәмлекетлик университетиниң Мәденият сарайында болып өтти.

Онда Бердақ атындағы Қарақалпақ мәмлекетлик университетиниң «Еркинлик қанатлары», Ташкент мәмлекетлик аграр университети Нөкис филиалының «Агронур», Өзбекистан мәмлекетлик мәденият ҳәм көркем өнер институты Нөкис филиалының «Талантлы жаслар», Ташкент информациялық технологиялар университети Нөкис филиалының «Әл Хорезмий», Әжинияз атындағы Нөкис мәмлекетлик педагогикалық институтының «Ғәрезсизлик жаслары» ҳәм Ташкент педиатрия-медицина институты Нөкис филиалының «Ибн Сина әўладлары» командалары өз-ара 4 шәрт тийкарында күш сынасты. Таңлаў жуўмағында Бердақ атындағы Қарақалпақ мәмлекетлик университетиниң «Еркинлик қанатлары» командасы жәми 150 упай менен 1-орынды ийелеп, келеси аймақлық басқышқа жоллама алды.
Ислам Матеков.