Социаллық тармақларда Нөкис қаласындағы 38-санлы улыўма билим бериў мектебинде спорттың шахмат түри бойынша мектеп оқыўшылары арасында өткерилген жарыстың Қарақалпақстан Республикасы басқышы жеңимпазларына футболкалар ҳәм майкалар (ишки кийим) берилгени ҳаққындағы хабарлар қызғын додалаўларға себеп болған еди.
Жағдай бойынша Қарақалпақстан Республикасы Халық билимлендириў министрлиги рәсмий мүнәсибет билдирди.
Атап өтилиўинше, 12-октябрь күни пайтахтымыздағы 38-санлы улыўма билим бериў мектебинде Өзбекстан «Ёшлик» денетәрбия ҳәм спорт жәмийети Қарақалпақстан бөлими тәрепинен шахмат бойынша мектеп оқыўшылары ҳәм муғаллимлери арасында жарыстың Қарақалпақстан Республикасы басқышы өткерилип, жеңимпазларға спорт жәмийетиниң эмблемасы түсирилген футболка, шорты ҳәм дипломлар берилген.
Хабарда жазылыўынша, министрликте жарыс қатнасыўшылары ҳәм олардың ата-аналары менен ушырасыў өткерилип, жеңимпазлар министрлик тәрепинен баҳалы саўғалар менен сыйлықланған.
Karinform.uz.
