Усы жылдың 28-30-ноябрь күнлери аралығында Ташкент қаласында спорттың паражүзиў түри бойынша «Өзбекстан кубогы» шөлкемлестирилди. Бул жарысқа елимиздиң 12 ўәлаятынан ҳәм Қарақалпақстан Республикасынан 150 ге шамалас жас спортшылар белсенди қатнасты.
Жарыс қызғын ўақыяларға бай тәризде болып өтти. Өткерилген жарыста қарақалпақстанлы спортшыларымыз да жақсы нәтийжелерге еристи. Жас спортшы қызлардан 50 метр еркин усылда ҳәм 100 метр шалқасына жүзиў категориясы бойынша жоқары Қалилаева Турсынай 1-орынды, 50 метр еркин усыл, 100 метр баттерфлай, 100 метр шалқасына жүзиў усылы бойынша Шаниязов Айтуўған 2-орынды ийелеўге мияссар болды. Улыўмалық есапта спортшылар Ташкентте өткерилген жарыстан 2 алтын ҳәм 3 гүмис медалди қолға киргизди.
Және де Қарақалпақстан Республикасынан барған спортшыларымыз Ш.Абиллаева, А.Реyмова, Р.Рейимбаев, Ш.Ережепбаева, С.Худияров жарыста белсенди қатнасқаны ушын дипломлар менен сыйлықланды. Спортшыларды жүзиўдиң түрлери бойынша тренерлер Азамат Илясов ҳәм Әдилбек Кеңесбаевлар таярлады.
Шахноза-Бану Абдуллаева
