Жынаят кодексиниң 139-статьясына тийкарланып, жала жабыў, яғный, билип турып басқа шахсты шерменде қылатуғын өтириклерди тарқатыў, сондай ҳәрекетлер ушын ҳәкимшилик жаза қолланылғанынан кейин жүз берген болса, базалық есаплаў муғдарының еки жүз есесине шекемги муғдарда жәрийма яки үш жүз саатқа шекем мәжбүрий жәмийетлик жумыслар ямаса еки жылға шекем тәртип дүзетиў жумыслары менен жазаланады.
Басып шығарыў яки басқа усылда көбейтилген жағдайда, соның ишинде, ғалаба хабар қуралларында, телекоммуникация тармақларында яки Интернет жәҳан информация тармағында жайластырыў арқалы жала жабыў – базалық есаплаў муғдарының еки жүз есесинен төрт жүз есесине шекемги муғдарда жәрийма ямаса үш жүз сааттан үш жүз алпыс саатқа шекем мәжбүрий жәмийетлик жумыслар яки еки жылдан үш жылға шекем тәртип дүзетиў жумыслары я бир жылға шекем азатлықты шеклеў менен жазаланады.
