«Ҳаял-қызлар арасында онкологиялық кеселликлерди қадағалаў системасын жетилистириў илажлары ҳаққында»ғы Президент қарары (ПҚ-402-санлы, 22.11.2024) қабыл етилди.
Қарарға муўапық, медицинаның басланғыш буўында 30-65 жастағы ҳаял-қызлардың электрон базасы (дизими) қәлиплестириледи, оларды медициналық тексериўге шақырыў системасы жаратылады.
Ҳәр жылы 30-50 жастағы ҳаяллардың жатыр мойынының рак кеселлигин скрининглеў адам папилломасы вирусын полимераза шынжырлық реакция тексериўи жолы менен анықлаў ҳәм де суйықлық цитологиялық усылы менен тексериў жолы менен әмелге асырылады.
30-65 жастағы ҳаяллар ҳәр 2 жылда бир мәрте медицина хызметкерлери тәрепинен дәслепки таңлап алыўдан өткериледи.
Скрининг нәтийжесинде онкологиялық кеселлик пенен наўқасланғаны анықланған наўқасларды диагностикалаў ҳәм емлеўге байланыслы қәрежетлер бюджет есабынан қаржыландырылады.
2025-жыл 1-январьдан баслап:
➖Онкоқадағалаў ханалары ушын акушер-гинеколог шыпакер ҳәмде мобиль ҳәм стационар маммографлар жумысын 2 сменада шөлкемлестириў ушын рентген-лаборантлар штатлары енгизиледи;
➖Маммография сүўретин оқыў орайы шөлкемлестириледи;
➖Aдам папиллома вирусы диагностикасы ушын қолланылатуғын тест системаларының сапасын қадағалаў бойынша референс-лаборатория жумысы жолға қойылады;
➖ Жатыр мойны ҳәм көкирек бези раги скринингине мәмлекетлик емес медицина шөлкемлери тартылады.
2025-жыл 1-майға шекем:
- Жатыр мойны раги скрининги ҳәм көкирек бези рагин ерте анықлаўдың сапасын баҳалаў ҳәм мониторинг етиў системасы;
- Скрининг бағдарламасына киргизилген ҳаял-қызлар менен қайта байланыс системасы енгизиледи.
