Жаңа жыл байрамы – дүньядағы ең қуўанышқа толы байрамлардың бири есапланады. Ҳәммемиз жаңа жылдан жаңа бахыт күтемиз. Сол себепли де, биз төменде усы байрам менен байланыслы болған қызықлы мағлыўматларды жәриялаўды мақул көрдик.
1. Үйлерге жаңа жыл ёлкасын алып келип, безеў буннан 150 жыл алдын басланған.
2. Жаңа жылды рус халқы буннан үш әсир алдын 1-сентябрь күни белгилеген. Патшалық тахтына Петр I келгеннен соң бул сәне 1-январьға көширилген.
3. Австралияда байрам дастурханына қус гөшинен таярланған тағам тартылмайды екен.
4. АҚШта АҚ үй алдындағы ёлкаға ең дәслеп 1895-жылы ҳәр қыйлы реңдеги электр лампалары қыстырылған.
5. Бурынғы Аўқам ўақтында сүўретке алынған «Тағдыр ҳәзили ямаса қустай жеңил болың!» («Ирония судьбы, или с легким паром») кинофильми телеканалларда 35 жылдан берли 31-декабрь күни бериледи.
6. Жаңа жылда не ушын салют атылатуғынлығын билесиз бе? Бул дәстүр Азияда қәлиплескен. Адамлар салюттың шаўқымы менен ушқынларынан жаманлық қашады деп есаплаған.
7. Бразилияның Рио-де-Жанейро қаласында дүньядағы ең үлкен ёлка орнатыылғган. Оның бийиклиги – 76 метр.
8. Аяз атаның ақлығы болған Қар қызы өткен әсирдиң 50-жылларында «дүньяға келген».
9. 1516-жылы Англияда Генрих VIII ниң үй алдына қурылған ёлкасы алтыннан қуйылған.
10. Жаңа жыл ёлкасын безеў ең дәслеп Эльзас (сол ўакытлары Германия қурамында болған, ҳәзирде Францияға қараслы) қаласында басланған. Безеў ушын ҳәр қыйлы реңдеги қағазлардан гүллер исленген. Ёлканың шақаларына алма, печенье, қантлар ҳәм конфеталар тағылған.
11. Санта-Клаустың суўынларының атлары: Дэшер, Дэнсер, Прэнсер,. Виксен, Комет, Кюпид, Доннер, Блитцен.
12. Жаңа жыл ёлкасын безеў ушын қолланылатуғын айналы ёлка шары ең дәслеп XVI әсирде Тюринги қаласында соғылған. Усы сыяқлы басқа да ёлка ойыншықлары XIX әсирде ғалабалық түрде ислеп шығарыла басланған.
13. 1843-жылы Лондонда ең дәслепки ашық қутлықлаў хаты басып шығарылған.
Ислам Матеков.
