Бурынлары бай адамлар өзлериниң атларын жүдә жақсы көрип, оларды ҳүрметлеп, алтыннан исленген тағаларды тағып қойыў үрдиске айланған. Атларын базарда, жолларда жүрип баратырған ўақытта, абайсызда оның тағалары көшелерде түсип қалатуғын болған. Бул алтын тағаларды сол жерлерде жасаўшы жарлы пуқаралар таўып алып, алтынды сатып байып кететуғын болған. Соннан баслап адамлар «Усы таға маған байлық алып келди, күн көрисимиз жақсыланды. Бул әўмет келтиреди екен» деп ойлайтуғын болған. Соннан берли таға әўмет келтириўине көпшилик елеге шекем исенеди.
Топлаған: Есемуратова Сахибжамал
