Усы жылдың 26-27-февраль күнлери пайтахтымызда жайласқан Жаслар орайында «I Жас журналистлердиң медиафорумы» болып өтти. Медиафорум Бердақ атындағы Қарақалпақ мәмлекетлик университети журналистика кафедрасы, Өзбекстан жаслар аўқамы Қарақалпақстан Республикалық Кеңеси менен биргеликте шөлкемлестирилди.
Медиафорумның соңында дәслеп усы медиафорумда қатнасқан тренерлер сертификат пенен сыйлықланды. Онда белгили журналистлер А.Ембергенов, Б.Ельманов, С.Жаниев, А.Турекеева, У.Еримбетова, Р.Арзиев, Қ.Бегниязова, Ф.Юсупов, И.Матеков, С.Есемуратова, А.Қурбаниязовалар өзлериниң тәжирийбелерин жаслар менен бөлисти.
Ал, соңынан форум қатнасыўшылары, секцияларда белсене қатнасқан қатнасыўшылар да сыйлықланды.
Буннан соң 2015-жылдан берли Қарақалпақ мәмлекетлик университети журналистика қәнигелигиниң студентлери арасында өткерилиўи үрдиске айланған «Жас журналист-2017» таңлаўының жеңимпазлары жәрияланып сыйлықланды.
Сахибжамал Есемуратова
