Биз белгили дирижёр ҳәм композитор Өзбекстан ҳәм Қарақалпақстан Республикасы көркем өнер ғайраткери, Бердақ атындағы мәмлекетлик сыйлықтың лауреаты Қурбанбай Зәретдинов пенен балалық демлери туўралы сәўбетлестик.
- «Болар бала бес жасынан белгили, - дейди. Бес жасыңызда қандай қәбилетиңиз болған? Нелерди орынлай алатуғын едиңиз?
- Мен үлкен ажағаларымыздың, ажапаларымыздың изине ерип бес жастан оқыўға барғанман. Сонда күн суўық, ызғырған самал. 3 километрдей жол жүриўимиз керек, мектепке барыў ушын. Бизлер сонда қасымдағы достым менен үйдиң қасындағы салмаға түсип аламыз. Сөйтип сол жаптың иши менен кетеберемиз, ық жерден. Бирақ, шығатуғын жери бийиклеў болған, кишкене болғанымыз себепли, шығалмай биреў-биреўимиздиң қолымыздан тартқан жеримиз есимде қалған. Оқыўға кеш қалғанбыз. Тоңғанымыздан салманың ишине түсип барамыз деп қайта сабаққа кешигип қалғанбыз.
Сайтымыздың телеграмдағы каналына ағза болың: 👉 https://t.me/karinformuz
Сахибжамал Есемуратова
