Ишекте 36 жыл «жатқан» 2 ручка

4-май күни Қытайдың Цзянсу ўәлаяты Куншань қаласының емлеўханасында Ван исимли ер адамның ишеги операция етилип, онда 36 жылдан берли турған узынлығы 12 сантиметрли 2 шарикли ручканы алып таслады. Мағлыўматларға қарағанда, Ван февраль айында медициналық көриктен өткен ўақтында оның он еки бармақлы ишегинде қандайда бир нәрсе бар екенлиги белгили болған.

Сонда ол жас ўақтында дослары менен жүргенде еки ручканы жутып жибергенин еслеген. Ван ручкалардың тәбийғый жол менен шығып кетиўин күткен. Бирақ, булай болмаған соң ол ручкалар асқазанда сиңип кетти, деп ойлаған ҳәм буны умытып кеткен. Ручкалар болса ишектиң дийўалына жабысып, қарынның ишинде қалып қойған. Шыпакерлер ручкаларды 30 минут ишинде эндоскоп жәрдеминде Ванның ишегинен алып таслады.