Фото. «Жасырынып жатырған» 1,5 миллион пингвин таўылды

Антарктидадағы қәўипли атаўлардың биринен 1,5 миллион пингвин таўылды. Илимпазлар үлкен-үлкен теңиз музларының атаўды қоршап алғанлығынан ҳәм кемелердиң ҳәрекетине кесент ететуғынлығы себепли, олардың тынышын ҳеш ким бузбаған, деген пикирде. Буған шекем усындай көлемдеги пингвинлер мәканы Антарктиданың Арқа тәрепиндеги атаўдан таўылған еди, деп хабар бермекте BBC.
Космостан түсирилген сүўретлерден 1,5 миллион пингвин қусының поо ҳәм гуано сыяқлы түрлери анықланған. Олар үлкен архипелаглар менен қоршалған аймақта жасамақта. Адам қәдеми жетпегенликтен, пингвинлердиң бул топары биринши мәрте анықланбақта. Уллы Британияның Оксфорд университети ҳәм америкалы илимпазлар жүргизген изертлеўлерде Американың Landsat космослық кемесинен пайдаланылған.



- Биз өз көзимизге өзимиз исенбей, оғада ҳайран қалдық. Себеби, Adélie пингвинлериниң бундай топарласқан түрин биз биринши мәрте анықлап отырмыз. Илимий жаңалық ашып, қуслардың бундай колониясын анықлағанымыз ҳәммемизди бирдей қуўандырды, - дейди Стоуни Брук университетиниң илимпазы Хизер Линч.



Ол Антарктиданың Батыс атаўында Adélie сортлы пингвинлердиң азайып баратырғанын ҳәм ҳәзирги заманагөй жасалма жолдаслардың имканиятлары нәтийжесинде илимий жаңалық ашып, табысқа ерискенлигин билдирди.
Мағлыўмат ушын, усы күнге шекем Adélie пингвинлериниң 200-300 мың ўәкили ғана белгили еди. Олар Дейнджер атаўын мәкан етип, жасап келмекте. Ал енди ғана илимге белгили болған усы сортқа киретуғын 1,5 миллион пингвин илимпазлардың изертлеўлерине мүтәж.

Сайтымыздың телеграмдағы каналына ағза болың: 👉 https://t.me/karinformuz

Ислам Матеков.