Нәрестени сақлап қалған ийт

Туўылып ҳәм шығындылар арасына таслаған нәрестени, таўып алып, оны емлеўханаға алып барған ийт ҳаққында еситкенсиз бе? Бул қолға үйретилген үй ямаса цирк ийти емес, керисинше, адамлардан меҳир көрмеген, қараўсыз көшеде жүрген дәйди ийт. Соған қарамастан, оның ислеген исине таң қалмай иләжың жоқ. Ол ҳеш қандай жарақат жеткизбестен, жаңа туўылған, ҳәттеки, киндиги кесилмеген нәрестени өлимнен қутқарып ҳәм оның жасаў ҳуқықын қорғап қалды. Бул ҳаққында zlixa.uz хабарлады. Бул сүўретлер монтаж емес.

Жаратылыстың өзи қызық ҳәм қурамалы. Дүньядағы ең ақыллы жаратылыс бул- АДАМ деп келдик усы ўақытқа шекем. Бирақ, бүгин буның пүткиллей керисин де көрип, таң қаласаң. Сондай адамлар бар, олардан ҳайўанлар жақсы. Ал, сондай ҳайўанлар бар, олар адамнан ақыллы.

Оразымбетова З.Қ.
Журналист