Журналистик фаолият «копировать и вставить» дегани эмас…

Facebook ижтимоий тармоғида Ўзбекистон миллий ахборот агентлиги – ЎзАда эълон қилинган журналистик материалларнинг баъзиларига фойдаланувчилар ўз фикр-мулоҳазаларини билдириб ўтишмоқда. Уларнинг аксарияти «Журналистларимиз дея баралла ҳайқиринг, оддийгина «копировать и вставить» қиламиз, холос» мазмунидаги фикрлардан иборат. Хўш, халқнинг бундай фикрга келишига нима сабаб бўлди?
Агентлик сайтида эълон қилинган икки хил мавзудаги материалда ўхшаш гапларнинг бўлиши, унда фақат исмларнинг ўзгаргани бугунги зукко ўқувчиларнинг эътиборидан четда қолмади. Ижтимоий тармоққа улар ушбу материалларнинг расмини ҳам жойлаштирди.


Аммо, баъзилар каби биз ҳам бунга ишонмай, агентлик сайтига ташриф буюрдик ва афсуски, фойдаланувчиларнинг фикрлари тўғри эканлигининг гувоҳи бўлдик. Мана, унинг исботи.



Биз, журналистлар, қийинчиликлардан чўчимасдан, омма ўртасига бориб, уларнинг муаммоларини, ҳохиш-истакларини кўтариб чиқишни ўйламай, журналистик ахлоқни сақламай, кўчириб олишга йўл қўяр эканмиз, халқ ҳечқачон бизга ишонмайди. Шундай давом этса, «тўртинчи ҳокимият» тушунчаси ҳам абсурдликга айланади.

Ислам Матеков ва Сахибжамал Есемуратова.