Селфи ямаса релфиге түсиў бүгинниң бас қатырыўға арзыйтуғын мәселелериниң бирине айланып үлгерди. Бүгинги күнде тәкирарланбас, ең қызықлы селфилери менен тилге түсиў ушын ат салысыўға «бел байлаған» жаслар баршылық. Буның ушын «жүрегиниң түги бар» айырым жаслар қәўипли жерлерге барыўға да таяр. Олар көпирлерде, транспортларда, автомобиллерде, таўлардың қырларында, дәрьяларда, имаратлардың төбелеринде өзлерин сүўретке түсирип басқалардың итибарына түсиўге қумар.
![](\"http://img.uz/d/2017/04/58f1117534876.jpg\")
Америка Қурама Штатларының психотерапия диспансери экспертлери селфиге түсиўди жаслар арасында ҳәўиж алған кеселлик деп жәриялады. Олардың айтыўына қарағанда, күнине алты мәрте селфиге түсип, оларды социаллық тармақларға жайғастырыў – кеселликтиң ең жоқары дәрежеси есапланады.
САХИБЖАМАЛ ЕСЕМУРАТОВА 
