Орайлық Азия мәмлекетлери жетекшилериниң Астанадағы мәсләҳәтлесиў ушырасыўында Орта Азияның барлық мәмлекетлери мәплерин есапқа алып суў-энергетика ресурсларынан нәтийжели пайдаланыў аймақтағы еллердиң тийкарғы жөнелислеринен бири деп тән алынды.
Ушырасыўда Тәжикстан президенти Имомали Раҳман: «Мен бир неше мәрте үлкен минберлерде турып, атап айтқанда, БМШ минберинен Тәжикстан суўдан пайдаланыў мәселелери бойынша ҳеш қашан қоңсыларына машқалалар туўдырмағаны ҳәм буннан былай да туўдырмаўын айтып өткенмен. Бүгин мен және бир мәрте биз қоңсыларымызды суўсыз қалдырмайтуғынымызды айтып өтпекшимен», - деп айтып өтти, деп хабар берди nuz.uz.
Орайлық Азия дүньяның ең суўы кем аймақлардан бири есапланады. Қырғызстан ҳәм Тәжикстанда Орайлық Азиядағы ең ири дәрьялар ағымының басланғыш бөлими жайласқанлығы себепли бул мәмлекетлер суўға бай есапланады. Төмениректе жайласқан Өзбекстан, Түркменстан ҳәм Қазақстан болса, суў ресурсларына мүтәжлиги туўылыўы мүмкин.
Сахибжамал Есемуратова
