Американың New York Post газетасының жума күнги санында АҚШтың Президенти Дональд Трампқа арналған үш сөзден ибарат мақала жәрияланды, деп хабар берди TASS. Бул мақаланың темасы «Трамптың «твитлери» ҳаққында» деп аталады. Мақаладан «Тоқта, тек тоқта» деген үш сөз орын алған.
Трамп инаугурациядан соң Twitter социаллық тармағында рәсмий президентлик аккаунтын жаратқан еди. Соннан берли усы аккаунтта ол тез-тезден хабарларды берип атыр. Трамптың социаллық тармақта жайластырып атырған материаллары көп сынға алынып келинбекте. Бәлким, «Трамптың «твитлери» ҳаққында» мақаласында пост жазыўды тоқтатыў кереклигин айтпақшы болған шығар.
