Ш.Мирзиёев Ўзбекистон футбол федерацияси президентини тақдирлади

v

Кеча, 4 июль куни Ўзбекистон футбол федерацияси президенти Мираброр Усмонов 70 ёшни олди. Шу муносабат билан Ўзбекистон Республикаси Президенти Шавкат Мирзиёев «Дўстлик» ордени билан тақдирлади.
«Давлат бошқаруви органлари ва жамоат ташкилотларидаги кўп йиллик самарали ва фидокорона меҳнати, ибратли ижтимоий фаолияти билан Ватанимиз мустақиллигини, унинг иқтисодий салоҳиятини мустаҳкамлаш, мамлакатимизнинг халқаро майдондаги обрў-эътиборини юксалтириш, ёш авлодни жисмоний ва маънавий етук инсонлар этиб тарбиялаш ишига қўшган катта ҳиссаси учун ҳамда таваллудининг 70 йиллиги муносабати билан Ўзбекистон Республикаси Олий Мажлиси Сенати Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раисининг ўринбосари Мираброр Зуфарович Усманов «Дўстлик» ордени билан мукофотлансин», дейилади Президент фармонида.