Лимонад ҳәм компот инсанды тез қартайтатуғыны белгили болды

Илимпазлар изертлеў жумысының нәтийжесине тийкарланып: «Мазалы ишимликлер (мәселен, лимонад, компот ҳәм т.б.) инсанның қартайыўын тезлетеди, оның адам организмине тийгизетуғын кери тәсири спиртли ишимликлер менен бирдей, ишимликлер мазалы болған сайын, оның кери тәсири артып бара береди», - деген жуўмаққа келген. Мазалы ишимликлер адам организмине еки түрли зыян жеткереди. Бириншиси, бундай ишимликлер организмдеги зат алмасыўын бузады ҳәм адамды семиртеди. Екиншиси, оның қурамындағы көпшилик элементлер клеткалардың қартайыўын жеделлестиреди.
Изертлеў жумыслары жасы орташа 20-65 жас аралығында болып, барлығының жүрек ҳәм қан тамырларының искерлиги жақсы болған 5000 адамда алып барылған.
Изертлеў нәтийжесине муўапық, мазалы ишимликлерди көп ишетуғын адамлар әдеттеги адамлардан 5 жылға аз өмир сүреди екен.

Ислам Матеков.