Дунёдаги энг ажойиб 4 мактаб (+фото)

Мактаб ҳар бир мамлакатда бор. Уларнинг таълим бериш йўналишлари ва усуллари ҳар хил. Ҳар бир мамлакатнинг ўз ўқитиш услуби ва тартиби мавжуд. Massaget.kz сайти дунёдаги энг ажойиб 4 мактаб тўғрисида материал чоп этди.

Orestad Gymnasium





Даниянинг Копенгаген шаҳрида жойлашган ушбу мактаб журналист бўлиш истагидаги ўқувчилар учун қурилган. 2007 йилдан буён мактаб интерьери дунёдаги энг кўркам мактаблар бешлигига киради. Мазкур мактаб миллий таълим соҳаси асосида ишланган. Мактабнинг ички ва ташқи қурилиш лойиҳаси билан Даниянинг 3XN Architecs компанияси шуғулланган.

Marcel Sembat High School





Франциянинг Соттевиль-ле-Руан шаҳрида жойлашган. Бу мактабнинг хусусияти шунда, мактаб яшил дарахтлар билан ўралган. Сабаби, бу ерда соғлиги бошқаларга нисбатан яхши бўлмаган ўқувчилар таълим олади. Мактаб қурилиши олти бўлимдан иборат. Ҳар бир бўлим бир-биридан фарқланади.

Green School





Индонезиянинг Бали шаҳрида жойлашган. Мактаб экология билан шуғулланишни хоҳловчи ўқувчиларга атаб қурилган. Мактаб табиат қўйнида жойлашган бўлиб, бу ўқувчига яхши таъсир кўрсатади. Бу ерда мажбуран ўқитиш йўқ. Энг қизиқарлиси, ўқув қуроллари ва мактабнинг барча дастгоҳлари бамбукдан ишланган.

Vittra Telefonplan






Швециянинг Стокгольм шаҳрида жойлашган. Бу мактаб кичик файласуфларга атаб, Rosan Bosch агентлигининг махсус лойиҳаси асосида қурилган. Мактаб дизайнининг хусусияти унинг рангларининг тиниқлигида кўринади. Бу ерда болаликдан билимли, махсус тайёргарлик талаб қилмайдиган ўқувчилар ўқийди.

Ислам Матеков.