Өли анадан туўылған қыз

Еки қабат ҳаялды жерлеў ўақтында табыттың ишинен бөпениң жылаған даўысы еситилди. Буған ҳәмме ҳайран болып, исенгиси келмеди.
Торонтода күтилмеген ўақыя жүз берди. Қарнында жети айлық баласы менен емлеўханаға жатқызылған ҳаял басынан қатты соққы алған еди деп хабар берди pozitivno.me. Ҳаял дүньядан өтти. Бирақ, ертеңине жерлеў мәресими болып атырған ўақытта, табыттың ишинен бөпениң жылаған даўысы еситилди. Ҳаялдың дүньядан өткенине 23 сааттан, ал оның денеси музлатқышта сақланғанына 17 сааттан аслам ўақыт болған. Бала кислородсыз аман қалыўы күтилмеген жағдай. Бул жағдайды, ҳәттеки, шыпакерлер де түсиндирип бере алмаған.



«Мен 22 жылдан берли шыпакермен. Бундай жағдайды алдын көрген жоқ едим. Бул сыйқыр», - деп жуўап берди шыпакерлердиң бири.
Қыз жүдә әззи болып туўылған, ол 4 ай даўамында инкубаторда сақланған.

Сахибжамал Есемуратова