![](\"http://img.uz/d/2017/07/597181e564ec2.jpg\")
Англия банки 18-июль күни жазыўшы Джейн Остинниң сүўрети сәўлеленген 10 фунт номиналындағы жаңа банкнота шығарды. Англичан әдебиятының көрнекли ўәкили Остинниң қайтыс болғанына 200 жыл толыўына арналып шығарылған банкнотаның презентациясы жазыўышының жерленген Уинчестер соборында өткерилди. Банкнотаның айрықша тәрепи сонда, оның төменги тәрепинде Остинниң қәлемине тийисли болған «Менменлик ҳәм жалған исеним» романындағы «Шынын айтсам, мен китап оқыўға тең келетуғын басқа ләззетти билмеймен» деген баҳалы сөзлер жазылған.
Мағлыўматларға қарағанда, банкнота 14-сентябрьден баслап айланысқа енгизиледи.
Ислам Матеков.
