«Муз диетаси» ҳақида эшитганмисиз?

Бу диетани Буюк Британиялик соғлиқни сақлаш соҳаси олими Пета Бин ўйлаб топган. Маълумотларга кўра, у Брайан Си Вайнернинг муз ёрдамида оздириш усулларини яхши ўзлаштирган ва унинг маълумотларини тўлиқтириб, «Муз диетаси» номли ккитобни чоп эттирган. Улар озиш учун кунига бир литр муздай сув ичишга одатланиш кераклигини айтади. Китобда ёзилишича, ошқозонга тушган муздай сувни нормал илитиш учун организм кўп куч сарфлайди ва шу туфайли организмда ёғ миқдори камая бошлайди.

Муз диетасининг асосий 5 усули қуйидагича:

1. Қандай мавсум бўлса ҳам енгил кийимларни кийинг. Уйда ёки ишда кондиционерни 18-20 даража совуққа қўйишдан қўрқманг.
2. Совутилган хонада ухланг. Кечқурун дераза ва эшикларни очиб ётинг. Одам организми 24-26 даража илиқ ҳавога ўрганган. Шу температурага ўрганиб қолганимиз учун, организм ортиқча куч сарфламайди. Совуқ бўлса, аксинча, ортиқча куч сарфлаб, ёғларни парчалайди.
3. Кун иссиқ бўлса ҳам, совуқ бўлса ҳам хонани салқинлатиб туринг. Бу иммунитетга ҳам ижобий таъсир қилади.
4. Аввал илиқ сувда, сўнг салқин сувда ювининг.
5. Эрталаб эрта туриб, пиёда юришни одат қилинг, бу бош миянгизга ва оёғингизга фойдали.

Эслатма: «Муз диетаси»ни қўллашдан олдин шифокор билан маслаҳатлашиш керак.

Ислам Матеков.