![](\"http://img.uz/d/2017/08/5981a4bb05b67.jpg\")
Google Maps арқалы жердиң жасалма жолдаслары арқалы түсирилген сүўретлерди тамашалаўыңыз мүмкин. Massaget басылымы усындай сүўретлер арасынан ең таң қаларлық сүўретлерди топлады.
«Кока-кола» компаниясының ең үлкен логотипи
![](\"http://img.uz/d/2017/08/5981a4d9111c3.jpg\")
Бул логотип Чилидеги музлықлар арасында жайласқан. Логотип 1986-жылы арнаўлы тапсырма менен исленген болып, оны ислеў ушын 70 мың кока-кола қутысы сарпланған.
Антарктида пирамидалары
![](\"http://img.uz/d/2017/08/5981a4f4f12fd.jpg\")
Пирамидалар тек Египетте бар деп ойласаңыз қәтелесесиз. Антарктида музлықларының арасында да пирамидалар анықланған. Бирақ, бул бойынша арнаўлы изертлеўлер жүргизилмеген.
Үлкен табан
![](\"http://img.uz/d/2017/08/5981a51164f49.jpg\")
Уллы Британиядағы узынлығы 115 метрлик үлкен табан да көпшиликти ҳайран қалдырады.
Қала ортасындағы яхта
![](\"http://img.uz/d/2017/08/5981a52d19b12.jpg\")
Гонконгтың ортасында жайласқан бул яхта капитаны алжасып кетип, жайлар арасына келип қалған кемени еслетеди.
Испания балалар парки
![](\"http://img.uz/d/2017/08/5981a546cc18a.jpg\")
Испаниядағы балаларға арналған өзгеше дем алыс парки жоқарыдан қарағанда жараланған жаўынгерди сүўретлейди. Бул паркте балалар ушын цирк ҳәм ҳәр қыйлы аттракционлар бар.
Кипрдағы түрк байрағы
![](\"http://img.uz/d/2017/08/5981a5652c1bb.jpg\")
Кипрдағы бийик таўлардың биринде исленген түрк байрағын көпшилик билмесе керек. Оның қасындағы жазыўда: «Өзин түрк деп билген адам қандай бахытлы» деп жазылған.
Сахибжамал Есемуратова.
