Қубла Кореяда әскерлердиң орнына роботлардан пайдаланылады

Қубла Корея мәмлекети 2024-жылдан баслап қорғаныў тараўында әскерий роботларды пайдаланыўды режелестирмекте. Буның себеби, мәмлекет халқының жыл сайын азайып баратырғанында.
Мағлыўматларға қарағанда, усы жылдың басында қорғаныў министрлиги әскерлер менен роботлардан дүзилген бөлимлерди сынақтан өткерген. Нәтийжелерге қарағанда, миналарды анықлаў, зыянсызландырыўда дронлар, ушыўшысыз басқарылатуғын бақлаў қурылмалары менен роботлардан пайдаланыў адамларға қарағанда бирқанша қолайлы екени белгили болған.
Мәселен, жерде ҳәрекетленетуғын бақлаў машинасы 500-600 әскердиң хызметин бир өзи атқарады. Ал «K9 Thunder» гаубицаларындағы туреллерди (пулемёт пенен киши калибрли автоматлар орнатылған қурылма) толық автоматластырыў 2 мың әскердиң орнын басады. Әскерий инженерлердиң мағлыўматына қарағанда, бундай автоматластырылған қуралды ислеп шығарыўға 3 жыл ўақыт жумсалады екен.
Мағлыўмат ушын, ҳәзирги ўақытта Қубла Корея демографиялық кризисти бастан кеширмекте. Мәмлекет халқының саны 50 миллионға шамалас. БМШның прогнозларына қарағанда, 2050-жылға барып кореецлердиң саны 10 миллионға азаяды.

Сайтымыздың телеграмдағы каналына ағза болың: https://t.me/karinformuz

Ислам Матеков.