40 жасқа толмаған ең белгили адамлардың дизими жәрияланды

Fortune басылымының 40 жасқа толмаған усы жылдағы ең белгили адамлардың дизиминде 1-орын ийеси Instagram социаллық тармағының тийкарын салыўшылардан бири ҳәм басқарыўшысы, 34 жаслы Кевин Систром ҳәм Facebookтың тийкарын салған 34 жаслы Марк Цукерберг болды.
2-орынды Lyft транспорт компаниясы басқарыўшылары Логан Грин ҳәм Жон Зиммер ийелеген болса, 3-орын Қытайдың Meituan-Dianping интернет-компаниясының тийкарын салыўшы 39 жаслы Ван Синге несип етти. Сондай-ақ, дизимнен Walmart, Dropbox, General Motors, Airbnb, Vimeo, Snap, Glossier, Grab ўәкиллери орын алған. Дизимнен орын алған бирден-бир сиясатшы Жаңа Зеландияның бас ўәзири Жасинда Ардерн болған. Telegramның тийкарын салыўшы Павел Дуров рейтинге биринши мәрте киргизилген ҳәм ол 25-орынды ийелеген.
Өткен жылғы рейтингде 1-орын Франция президенти Эммануэль Макронға берилген еди.

Сахибжамал Есемуратова