Көрсетилген дәўирде Федерация ҳәм оның аймақлық структуралары ҳәм районлық (қалалық) жәмийетлерине тутыныўшылардан жәми 6 713 мүрәжат келип түскен.
Бул арза ҳәм шағымлар саны өткен жылдың усы дәўирине салыстырғанда 2171 ге көбейгенлиги бақланды.
Халық тәрепинен усы көрсетилген дәўирде федерация ҳәм оның аймақлық бөлимлерине етилген мүрәжатлар тараўлар кесиминде анализленгенде тутыныўшылардан келип түскен мүрәжатлардың көпшилик бөлими:
- саўда тараўына – 1983 (жәми арзалардың 29,5%);
- тәбийғый газ тәмийнаты тараўына 1425 (жәми арзалардың 21,2%);
- электр тәмийнаты тараўына 1038 (жәми арзалардың 15,5%);
- суў тәмийнаты тараўына 450 (жәми арзалардың 6,7%);
- коммуналлық хызмет көрсетиў тараўына 331 (жәми арзалардың 4,9%);
- байланыс тараўында 203 (жәми арзалардың 3%);
- транспорт тараўына 183 (жәми арзалардың 2,7%);
- денсаўлықты сақлаў тараўына 151 (жәми арзалардың 2,2%);
ҳәм басқа тараўларға 949 (жәми арзалардың 14,1%) арза ҳәм шағымлар тийисли болды.
Анализлер соны көрсетеди, жәмийетте жүз берип атырған өзгерислер себепли халықтың ҳуқықый саўатлылық дәрежеси өсип, нызамлы ҳақ-ҳуқықларын билип мүрәжат етиў мәденияты қәлиплеспекте.
Ислам Матеков.
Сайтымыздың телеграмдағы каналына ағза болың: https://t.me/karinformuz
