Фаолиятидаги сўнгги мусобақада Усейн Болт маррага ета олмади (видео)

Ямайкалик машҳур атлет Усейн Болт ўз фаолиятидаги сўнгги мусобақани омадсиз якунлади. Лондонда ўтказилаётган жаҳон чемпионатида спортчи жамоавий эстафетада маррага ета олмади. Саккиз карра Олимпиада чемпиони эстафетада тўртинчи бўлиб югуриб, марра чизиғини кесиб ўтиши керак эди. Аммо, Усейн бирдан тўхтаб, мусобақани давом эттира олмади. Маълумотларга кўра, унинг мушаклари тортилиб қолган.
Усейн Болт Лондондаги жаҳон чемпионатидан сўнг ўз фаолиятини якунлаши ҳақида айтиб ўтган. Ямайкалик спортчи саккиз карра Олимпиада чемпиони бўлиб қолмай, ўн бир карра жаҳон чемпиони бўлган. Саккиз марта дунё рекордини янгилаган. 100 ва 200 метрга югуришда энг кучли спортчи дея тан олинган.



Ислам Матеков.