Қорақалпоғистон Республикаси давлат солиқ бошқармасига жорий йилнинг 9 ойи давомида 277 та мурожаат келиб тушди

Юртимизда олиб борилаётган ислоҳотлар ва истиқболли лойиҳалар асосида турмушимиз кун сайин янада фаровонлашиб бормоқда. “Инсон манфаати ҳар нарсадан устун” деган ҳаётий тамойил эса ҳар жабҳада ўз тасдиғини топаётир.
Хусусан, Қорақалпоғистон Республикаси давлат солиқ бошқармасига жорий йилнинг 9 ойи давомида жисмоний ва юридик шахслар томонидан жами 277 та мурожаат келиб тушди. Жумладан, жисмоний шахслардан 79 та, юридик шахслардан 17 та, Қорақалпоғистон РеспубликасиДавлат солиқ бошқармасининг «Ишонч телефони» орқали 181 та, шундан 179 таси жисмоний шахслар томонидан, 2 таси юридик шахслар томонидан келиб тушган мурожаатлардир, дейди, - Қорақалпоғистон Республикаси Давлат солиқ бошқармаси Мурожаатлар билан ишлашшўъбаси катта инспектори Э.Бабажанов.
Мурожаатлар асосан олиб қўйилган товар-моддий бойликларни қайтариб бериш ёки қўлланилган жарималарни бекор қилиш юзасидан, солиқ тўловларидан озод қилиш, имтиёзлар бўйича ва ижтимоий-маиший масалалар (уй-жой, моддий ёрдам), Солиқ қонунчилиги бўйича тушунтириш бериш юзасидан ҳамда бошқа масалалар бўйича келиб тушган масалалардан иборатдир.
Шунингдек, Ўзбекистон Республикаси Президентининг Халқ қабулхоналари ва Виртуал қабулхонаси орқали жами 108 та мурожаат келиб тушди. Шундан, 35 та мурожаат Халқ қабулхоналари орқали, қолган 73 та мурожаат Виртуал қабулхона орқали келиб тушди. Қорақалпоғистон Республикаси давлат солиқ бошқармасига келиб тушган ушбу мурожаатлар тегишли тартибда мутахассислар томонидан кўриб чиқилиб, кўпчилиги ўз ечимини топди ҳамда қолган мурожаатлар бўйича тегишли идораларга ёзма равишда юборилди.
Хулоса ўрнида шуни алоҳида таъкидлаш жоизки, ҳар бир мурожаат эътиборсиз қолмайди. Зеро, Президентимиз таъкидлаганларидек, “Халқ - давлат идораларига эмас, давлат органлари халқимизга хизмат қилиши керак”.