![](\"http://img.uz/d/2017/08/599be86ff3f43.jpg\")
Алдын хабар бергенимиздей, Қазақстан пайтахты Астана қаласында болып атырған «Экспо-2017» халықаралық ярмаркасында өзбекистанлылар да қатнасып, Ravon бренди астында шығарылатуғын электромобиль (спорткар) ҳәм ярым гибридли Matiz автомашиналары көпшиликте қызығыўшылық оятып атырған еди.
Мағлыўматларға қарағанда, Ravon электромобилиниң дәслепки макетин Ташкенттеги Турин политехника университетиниң студентлери ислеп шыққан. Өзбекистан павильоны комиссарының жәрдемшиси М.Рахимовтың айтыўынша, электромобильди сериялап ислеп шығарыў 2022-жылдан басланыўы режелестирилген.
![](\"http://img.uz/d/2017/08/599be89067bb8.jpg\")
Сондай-ақ, ярым гибридли Matiz автомашинасы да тест сынақларынан жақсы нәтийже менен өтсе, келеси жылдың басынан сериялап ислеп шығарыла басланады.
Ислам Матеков.
