Германияның Цетель қаласында 9 жасар мектеп оқыўшысы Рождество байрамында алған саўғасына кеўили толмай ҳуқық қорғаў уйымы хызметкерлерин шақырған деп хабар берди Lenta.ru сайты.
Шақырылған орынға тез жетип барған ҳуқық қорғаў уйымы хызметкерлери ашыўланып отырған мектеп оқыўшысын көрген. Бала рождестволық саўғасы дурыс берилмегенлигин айтып шағым еткен.
Буннан соң ҳуқық қорғаў уйымы хызметкерлери баланың Аяз атаға жазған байрам саўғалары дизими менен жаңа жыл ёлкасы астына қойылған саўғаларды салыстырса, бир-бирине туўры келмеген. Ҳуқық қорғаў уйымы хызметкерлери балаға Аяз атаның қартайғанлығы себепли умытшақ болып кеткенин, соның ушын саўғаны алжастырып алғанлығын айтып тынышландырған.
Сахибжамал Есемуратова
