16-январь күни Азия Кубогы топар басқышының 3 турында Иран сайланды командасы Иракка қарсы ойнайды. Дубай қаласындағы «Рашид» стадионында болып өтетуғын ойынды өзбекстанлы Равшан Эрматов басқарып барады, деп хабар берди daryo.uz. Оған Абдуҳамидулло Расулов ҳәм Жаҳонгир Саидовлар жәрдем береди. Ойын Ташкент ўақты менен 21:00де басланады.
Мағлыўмат ушын, 2019-жылдың январь айында Бирлескен Араб Әмирликлеринде футбол бойынша 17-Азия Кубогы болып өтпекте. Ойынлар 5-январьдан 1-февральға шекем даўам етеди. Нәўбеттеги Азия Кубогында 24 сайланды команда қатнаспақта. Ойынлар БАӘның 4 қаласы – Абу-Даби, Дубай, Ал-айн ҳәм Шаржа қалаларында болып өтпекте.
1956-жылдан берли өткерилип киятырған Азия Кубогын бүинги күнге шекем Қубла Корея, Израил, Иран, Кувейт, Саудия Арабия, Япония, Ирак ҳәм Австралия сайланды командалары қолға киргизген.
Сахибжамал Есемуратова
