Өзбекстанда ең кем мийнет ҳақының муғдары көбейтилди

Ҳүкиметлик қарар тийкарында Мийнетке ҳақы төлеўдиң бирден-бир тарифлик сеткасына өзгерис киргизилди, деп хабар берди Әдиллик министрлигиниң «Ҳуқуқий ахборот» каналы.
Киргизилген қосымшаларға муўапық, мийнетке ҳақы төлеўдиң 1-, 2- ҳәм 3-разрядлары коэффициентлери 2,476, 2,725, 2,998 ден тийисли түрде 2,847, 2,997, 3,148 ге көбейтилди.
Киргизилген қосымшалар тийкарында хызметкерлерге төленетуғын мийнет ҳақының ең кем муғдары 501 мың 959 сумнан 577 мың 172 сумға көбейтилди.
Буннан былай Өзбекстанда 577 мың 172 сумнан кем айлық мийнет ҳақы төлениўи мүмкин емес.

Ислам Матеков.

Сайтымыздың телеграмдағы каналына ағза болың: https://t.me/karinformuz