Аёл – оила файзи, жамият таянчи

Биз мамлакатимиз тараққиётини, жамиятимиз ривожини аёлларсиз, уларнинг фаол иштирокисиз кўз олдимизга келтира олмаймиз. Шу боис юртимизда аёл ҳуқуқи, эркинлиги, тенглиги, энг олий, муққаддас қадирият даражасига кўратилди.
Бугунги кунда Ўзбекистонда хотин-қизларнинг ҳуқуқ ва манфаатларини қатъий кафолотловчи мустаҳкам қонунчилик базаси шакллантирилди ва бу жараён тоборо такомиллаштирилиб борилмоқда. Бир сўз билан айтганда, аёлга иззат-ҳурмат кўрсатиш – миллатга эътиром кўрсатишнинг бош омилига айланди.
Мустақил диёримизда аёлларга қаратилаётган манна шундай юксак эътибор алоҳида эътирофга лойиқ. Асосий қонунимиз бўлган Ўзбекистон Республикаси Конституциясида мустаҳкамлаб қўйилганидек, мамлакатимизда аёллар ва эркаклар тенг ҳуқуққа эгадирлар. Жамиятимизда аёлларнинг қонуний ҳақ-ҳуқуқлари кафолатланган. Аммо шу билан бирга уларнинг ўзига хос руҳий-психологик хусусиятлари, хаётимиз давомийлиги, фарзандлар камолоти ва тарбиясидаги ўрни эътиборга олиниб, аёл зотини эъзозлаш, асраб-авайлаш, қадрлаш тамоиллари ҳам назардан четда қолмаган.
Жорий йилнинг 7 март санасида Муҳтарам Президентимиз томонидан қабул қилинган «Хотин-қизларнинг меҳнат ҳуқуқлари кафолатларини янада кучайтириш ва тадбиркорлик фаолиятини қўллаб-қувватлашга оид чора-тадбирлар тўғрисида»ги Қарорида ҳам анна шу хусусиятлар ўз аксини топади. Демак, мазкур хужжат юртимиз аёл-қизларга бўлган юксак эътибор ва ғамқўрликнинг яна бир ёрқин ифодасидир.
Энг асосийси ушбу қарор тадбиркор аёлларнинг салоҳиятини ошириш, ўз бизнесини бошлаш ёки ишбилармонлик кўникмаларини такомиллаштириш истагида бўлган хотин қизларга янги имкониятлар эшигини очиб бериши билан ҳам муҳим ахамиятга эга.
Юртимиз оналари – эъзозли, бахтли саоадтли. Уларнинг оила ва жамиятдаги ўрнини мустахкамлаш борасида олиб борилаётган ишларга дунё али тан бермоқда. Ҳотин-қизларнинг ҳуқуқларини кафолатлаш, тадбиркорлик соҳасида самарали фаолият юритиш механизмларини яратиш, бизнесини бошлаш учун кенг йул очиш, оналик ва болаликни ҳимоя қилиш ёрқин келажагимизни барпо этишда муҳим омилдир.

Ерназар Қунназаров,
Ўзбекистон «Адолат» СДП Қорақәлпоғистон Республикаси ҳудудий Кенгаши раиси.

Сайтымыздың телеграмдағы каналына ағза болың: https://t.me/karinformuz