Karinform.uz сайтына 2 жыл: мақсет, дәрек, редакторлар ҳәм перспективалар

Karinform.uz сайтының жаратылғанлығына бүгин, 13-апрель күни 2 жыл толды. Усы ўақыт аралығында биз бенен бирге болып, қоллап-қуўатлап, кемшиликлеримизди дүзетип турғаныңыз ушын миннетдаршылық билдирген ҳалда, сайт туўралы қысқаша мағлыўматларды келтирип өтсек.


Сайтты жаратыўдағы тийкарғы мақсетимиз:
- жәмийетшиликке елимизде жүз берип атырған ўақыяларды оператив түрде жеткерип бериў;
- жәмийетте ушырасып атырған кемшиликлер, машқалаларды нейтраль түрде сәўлелендириў;
- жақын келешекте интернетте өз тили қәлиплеспеген тил өли тиллер қатарынан орын алатуғынлығын есапқа алған ҳалда, интернетте информацияларды ҳәм мағлыўматларды қарақалпақ тилинде сәўлелендириў;
- мағлыўматлар, мақалалар арқалы ғалабалық билимлендириўге аз да болса үлес қосыў ҳ.т.б.


Karinform.uz сайты telegram, Instagram, facebook, odnоklassniki социаллық тармақларындағы каналлары арқалы да жаңалықларын тарқатып бармақта.




Бүгинги күнде сайтта 2 журналист өз искерлигин жүргизип келмекте.


Сайт редакторы болыў менен бир қатарда ҳәзирде Қарақалпақстан хабар агентлигинде шолыўшы, Әжинияз атындағы Нөкис мәмлекетлик педагогикалық институтында баспасөз хаткери лаўазымларында ислеп келмекте.


Сайт редакторлығы менен бирге ҳәзирде Әжинияз атындағы Нөкис мәмлекетлик педагогикалық институтының докторанты.
«Журт келешеги», «Жылдың ең белсенди жас журналисти» таңлаўларының жеңимпазы.
«Қарақалпақ нақыл-мақаллары ҳәм олардың өзбек-рус-инглис тиллериндеги эквивалентлери», «Қорақалпоқ халқ эртаклари» (аўдарма), «Глобалласыў шараятында социаллық тармақлардың орны», «Қарақалпақстанлы белсенди журналист ҳаял-қызлар» китапларының авторы.


Сайттың дизайнин заман талапларына сәйкес өзгертиў, логотип жаратыў, халықтың арасына және де тереңирек кирип, олардың машқалалары менен танысыў, информацияларды оператив түрде жеткериў ҳәм тағы да басқа ийгиликли ислерди әмелге асырыўды жобаластырмақтамыз.

Сахибжамал Есемуратова