![](\"http://img.uz/d/2019/04/5cb5c4c57fd6e.jpg\")
13-апрель күни Бердақ атындағы мәмлекетлик академиялық музыкалы театрында Германияның Өзбекстандағы елшиханасы тәрепинен «Қуўыршақ» атамасындағы ҳаўазсыз немис кинокомедиясының презентациясы өткерилди. Онда ҳаўазсыз кинокомедияға Өзбекстан мәмлекетлик «Суғдиёна» халық саз әсбаплары камер оркестри саз шертип, жыйналғанларда айрықша тәсир қалдырды.
![](\"http://img.uz/d/2019/04/5cb5c4b158d3c.jpg\")
14-апрель күни оркестр дирижёры Өзбекстанға хызмет көрсеткен артист Фируза Абдурахимова басшылығында Мойнақ районындағы 2-санлы балалар музыка ҳәм көркем өнер мектеби оқыўшыларына шеберлик сабақларын өтип, концерт бағдарламасын усынды. Илаж соңында мектепке китаплар саўға етилди.
Сахибжамал Есемуратова
