«Алматы-Ташкент» жолындағы ЖТҲда қайтыс болғанлардың барлығы Өзбекстаннан ба?

Жамбыл областының Қордай районында жолаўшы автобусы аўдарылыўы ақыбетинде 11 жолаўшы қайтыс болғаны ҳаққында хабар берген едик.
Бул ўақыя жүз бергеннен кейин Қазақстан Президенти Қасым-Жомарт Тоқаевтиң Твиттердеги рәсмий бетинде қайтыс болғанлардың барлығы Өзбекстан пуқаралары екенлиги ҳәм олардың шаңарақ ағзаларына терең қайғырыў менен кеўил айтатуғынлығы ҳаққында пост жәрияланды. Бирақ, пост кейин ала өширип тасланған.
Усы хабарға тийкарланып, Өзбекстандағы көпшилик интернет-басылымлары қайтыс болған 11 жолаўшы Өзбекстан пуқаралары деген мазмундағы материалларды жәриялады.
Қазақстан ИИМ баспасөз хызмети хабарына тийкарланып Tengrinews басылымының жазыўынша, аварияда қайтыс болған 11 жолаўшының 7 еўи Қазақстан, 3 еўи Өзбекстан пуқаралары екенлиги, бир адамның пуқаралығы анықланбағаны ҳаққында мәлим етти.

Ислам Матеков.

Сайтымыздың телеграмдағы каналына ағза болың: https://t.me/karinformuz