Районлық пуқаралар жыйыны баслықлары сайлаўын шөлкемлестириў ҳәм оны өткериўге көмеклесиўши комиссиясы тәрепинен белгиленген графикке тийкарланып Шоманайда сайлаў процеси басланды.
2019 жыл 1-май сәнесинде биринши болып Шоманай районы «Мамый» аўыл пуқаралар жыйынының ақсақалы сайланды, деп хабар берди Murat Narbaev. Сайлаў «Пуқаралар жыйыны баслығын сайлаў ҳаққында»ғы Өзбекстан ҳәм Қарақалпақстан Республикалары Нызамларына муўапық жабық даўыс бериў жолы менен өткерилди. Сайлаў жуўмақларына муўапық, Кенжебай Атаниязов 74% даўыс пенен «Мамый» аўыл пуқаралар жыйыны баслығы (ақсақалы) лаўазымына сайланды.
Сайлаў Өзбекстан Республикасы Олий Мажлиси Сенаты Кенгашиниӊ 2019-жыл 15-февральдағы КҚ-507-III-санлы, Қарақалпақстан Республикасы Жоқарғы Кеӊеси Президиумыныӊ 2019-жыл 18-февральдағы 472-санлы ҳәмде Халық депутатлары Шоманай районлық Кеӊесиниӊ 2019-жыл 5-марттағы 41/163-санлы қарарлары тийкарында әмелге асырылды.
Сахибжамал Есемуратова
