Күндизги ўақытта автомобиль шырақларын қосып ҳәрекетленбеген басқарыўшыларды жәриймаға тартыў басланды

Uz24.uz сайтының хабар бериўинше, 10-майдан баслап Өзбекстан бойынша барлық түрдеги транспорт қураллары ушын күндизги ўақытларда жақын аралықты жақтыландырыўшы ямаса күндизги шырақларды қосып ҳәрекетленбеген транспорт басқарыўшыларын жәриймаға тартыў басланған.
Еслетип өтемиз, усындай типтеги қағыйда бузыўшылық биринши мәрте әмелге асырылса ең кем мийнет ҳақының 0,5 есеси муғдарында жәриймаға тартылады. Тәкирар түрде әмелге асырыў санкция муғдарына тәсир етеди – «аса кеткен» қағыйда бузыўшыларға ең кем мийнет ҳақының 4 есеси муғдарында жәрийма белгиленеди ямаса транспорт басқарыў гүўалығынан ярым жылға айрылады.

Ислам Матеков.

Сайтымыздың телеграмдағы каналына ағза болың: https://t.me/karinformuz