20-июнь сәнесинен ЖОО жанындағы академиялық лицейлерге қабыллаў басланады

Усы жылдың 20-июнь күнинен баслап ЖОО жанындағы академиялық лицейлерде 2019-2020-оқыў жылы ушын оқыўшылардан ҳүжжетлерди қабыллаў басланады, деп хабар берди Жоқары ҳәм орта арнаўлы билимлендириў министрлигиниң рәсмий telegram каналы.
Академиялық лицейлерде шөлкемлестирилген Мәсләҳәт кеңеслерине оқыўшылар, олардың ата-анасы ямаса олардың орнын басыўшы шахслар төмендеги ҳүжжетлерди тапсырыўы керек:
— тәлим бағдары, оқыў тили, формасы көрсетилген арза;
— шахсын тастыйықлаўшы ҳүжжет (туўылғанлығы ҳаққындағы гүўалық ямаса паспорт) нусқасы;
— 3,5x4,5 см өлшемдеги 6 реңли фотосүўрет.
Ҳүжжетлерди қабыллаў 30-июнь күнине шекем даўам етеди.

Сахибжамал Есемуратова