«Менинг фикрим» жәмийетлик мүрәжатлар порталында Бердақ атындағы Қарақалпақ мәмлекетлик университетиниң Қоңырат филиалын шөлкемлестириў ҳаққында петиция жәрияланды.
Мүрәжатта Қарақалпақстан Республикасының Қоңырат ҳәм Мойнақ районлары жасларының жоқары билим алыўына кең имканият жаратыў ҳәм қәнигели кадрлар таярлаў мақсетинде Бердақ атындағы Қарақалпақ мәмлекетлик университетиниң Қоңырат филиалын шөлкемлестириў усыныс етилген.
Атап өтилиўинше, филиалдың шөлкемлестирилиўи усы еки район менен биргеликте, Шоманай ҳәм Қанлыкөл районлары жасларының да жоқары билим алыўына қолайлы имканиятларды жаратады.
«Жоқарыдағыларды есапқа ала отырып, Бердақ атындағы Қарақалпақ мәмлекетлик университетиниң Қоңырат филиалын шөлкемлестириўди усыныс етемен», - деп жазады петиция авторы.
Ислам Матеков.
Сайтымыздың телеграмдағы каналына ағза болың: https://t.me/karinformuz
