«Реал» Рональдунинг ўрнига Неймарни олиб келмоқчими?

Мадриднинг «Реал» клуби президенти Флоренино Перес «Барселона»нинг собиқ ҳужумчиси, шу мавсум бошида «ПСЖ»га ўтган Неймарни унутмайди, - дея хабар бермоқда Mundo Deportivo.
Перес Каталония клуби экс-президенти Сандро Росельнинг 2013 йил Бразилия терма жамоаси ва «Сантос» клуби ҳужумчисини сотиб олишга ҳалақит берганлигини ҳануз унутгани йўқ. Неймар «ПСЖ»га 222 миллион еврога ўтди. Манбанинг маълум қилишича, Перес Неймарнинг отаси билан учрашиб, футболчининг «қироллик клуб»га ўтиши ҳақида гаплашган. Шартлашувга кўра, Неймар Рональдунинг шартномаси тугаганидан сўнг «Реал»га келади, яъни бу 2021 йилга тўғри келади. «ПСЖ» эса Неймарни сотиш ҳақида ўйлаб ҳам кўрмагани ҳақида айтмоқда. Париж клуби президенти Нассер Аль-Хелаифи ўз ходимларига бразилиялик футболчининг «ПСЖ»да ўзини эркин ҳис қилиши учун барча шароитларни яратишни топширган. Маълумот учун, Неймарнинг «ПСЖ» билан шартномаси 2022 йилнинг ёзигача тузилган.

Ислам Матеков.