Нөкис қаласы Қос көл аймағында жасаўшы пуқаралар Панаев көшесинде пиядалардың жолды кесип өтиў ушын арналған арнаўлы белгиниң ямаса пиядалар өтиў сызығының жоқ екенлигинен наразылық билдирмекте. Бул ҳаққында telegram’дағы «Машқала хәм кемшиликлер» каналында жәрияланды. Хабарда келтирилиўинше, сол аймақтағы Қурбанов мектебине қатнайтуғын балалардың жолды кесип өтиўинде қыйыншылықлар жүзеге келген.
– «Балаларым Қурбанов мектебинде оқыйды. Қатнаўы дым қыйын. Себеби, Панаев көшеси арқалы оқыўға қатнайды. Көше басына пиядалар белгили ҳәм де жолға зебра белгисин қойып берсе мақсетке муўапық болар еди» деп келтириледи мүрәжатте.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
