Өзбекстанда сырт ел ЖООда аралықтан оқыған ҳәм 3 жыллық сыртқы тәлим дипломлары тән алынбайды, деп жазады блогер Х.Худайбердиев.
Министрлер Кабинети жанындағы Билимлендириў сапасын қадағалаў мәмлекетлик инспекциясы төмендегилерди хабарлайды:
Ҳәзирги ўақытта Өзбекстанда жоқары билимлендириў, күндизги, кешки ҳәм сыртқы формада алып барылмақта. Ҳәрекеттеги нызамшылықта жоқары билимлендириў тараўында оқыў ушын аралықтан оқыў формасы нәзерде тутылмаған.
Министрлер Кабинетиниң 2019-жыл 24-июльдеги 620-санлы қарары менен тастыйықланған Нызамның 5-бап 36-статьясындағы мағлыўмат Өзбекстан Республикасы нызамшылығында нәзерде тутылмаған билимлендириў формасында алынған болса, оны тән алыўды бийкарлаўға тийкар болыўы белгиленген.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
